Се гради училишна спортска сала во Липково

Камен темелникот е поставен пред неколку месеци, а се очекува објектот да биде завршен до крајот на 2015 година.

“Досега учениците немаа сала и фискултурните активности ги изведуваа на отворено, на игралиште, кое е во сопственост на основното училиште во селото. Салата има површина околу 800 квадрати и многу ќе им ја олесни наставата на гимназијалците“ - вели Дије Арифи, раководител на сектор за урбанизам во општина Липково.

За изградба на салата ќе бидат потрошени 223.000 евра, пари обезбедени од блок дотации во образованието и од општинскиот буџет.