Синдикатот на протест, бара минимална плата од 500 евра

Сојузот на синдикати на Македонија (ССМ) денеска излезе на протест, откако Владата не ги прифати неговите барања за минимална плата од 500 евра. 

Синдикалците прво ја отворија јавната седница пред зградата на ССМ, а потоа од пред Собранието побараа пратениците да донесат одлука минималната плата да биде 500 евра и зголемување за 100 евра на платите на работнците.

„Платата на работникот е мизерна, а вашите се за 79 проценти зголемени. Не ја заслужувате таа плата. Бидејќи вие не одлучувате за нас,ние ќе одлучиме за вас и носиме одлука пратениците да бидат на минимална плата сè додека не ја зголемите миналната плата на 500 евра“, рече претседателот на ССМ Слободан Трендафилов.

Потоа, седницата продожи пред Стопанската комора од каде им кажаа на работодавачите да ги зголемат платите на работници, бидејќи секоја година по 10.000 млади луѓе ја напуштаат државата и бараат работа надвор. 

Протестот заврши пред Владата, каде синдикалниот лидер Трандафилов му предложи на премиерот Христијан Мицкоски да биде и тој на минимална плата. 

На  протестот присуствуваат и претставници од Куманово.