Средношколци се едуцираа за проектот „Одбиј работа на црно“

Целта на проектот е едукација на младите и запознавање со правата и обврските од работен однос, како и условите и начинот на засновање на истиот преку почитување на законската регулатива. Настанот го организираше Министерството за труд и социјална политика, Министерството за образование и наука, претставници на Агенциите за привремени вработувања: Партнер, Мотиви и Вработување Лизинг, како и претставници од Агенцијата за вработување на Република Македонија, во соработка со Општина Куманово

Беа повикани ученици од 3 и 4 година од средните училишта и професори. Се говореше за договорот за работа, што содржи, за законската регулатива. Беа запознаени со активните мерки за вработување, но и со професионална ориентација и кариерно советување бидејќи и тоа е важно за луѓето кои завршуваат средно образование - рекоа од Центар за вработување Куманово.

Вакви презентации на проектот ќе има и во другите општини во Македонија.