Зачленете се во нашиот клуб на читатели и најновите текстови ќе ги добивате на вашата мејл адреса
Зорана Андоновиќ од Куманово, ученичка во средното училиште “Јахја Кемал“ во Скопје, освои сребрен медал за проект од биохемија, за користење на остатоците од процесот на производство на вино-комиње, за производство на нов јогурт збогатен со фенолни антиоксиданси.
Признанието го доби на петата меѓународна олимпијада за научни проекти и проекти за животната средина ИНЕСПО 2013 што мината недела се одржа во Миделбург, Холандија.
Станува збор за производство на јогурт збогатен со антиоксиданси добиен од комење, и како втор дел од проектот добивање на биодизел од истото комење. Се консултирав со голем број професори од оваа област за проектот. Сакав да придонесам на здравствениот систем во Македонија. Овој јогурт е збогатен со антиоксиданси и е поздрав од обичниот јогурт и трае подолго. Сакав да го искористам комењето бидејќи се користи како ѓубриво, а може да придонесе во исхраната и во медицината - изјави Зорана Андоновиќ.
Таа објаснува дека ова е голем успех за неа бидејќи се натпреварувала со млади од целиот свет, а проектот ќе биде публикуван во печатена форма како научен труд.
Зачленете се во нашиот клуб на читатели и најновите текстови ќе ги добивате на вашата мејл адреса
