Средношколскиот пленум ќе се активира во февруари

Ова денеска го договорија средношколците од Куманово на состанок во Гимназијата „Гоце Делчев“.

Имавме доста добар состанок, со добар одзив посебно од учениците Албанци што нè изненади. Ќе организираме собир пред некое средно училиште во Куманово, најверојатно ќе биде тоа некое албанско училиште, за да ги анимираме учениците да ја продолжиме нашата борба. Деталите допрва ќе се прецизираат - вели Никола Крстевски од Средношколски пленум Куманово.

Барањата остануваат исти, да се укине екстерното тестирање и да се полага матура по стариот модел кој се применуваше со години.