Српската заедница организира свечена академија за Свети Сава

Настанот се организира по повод националниот празник на Србите во Македонија. На оваа манифестација најавени се високи претставници од Србија и Македонија. Исто така предвидена е и богата културно уметничка програма, а специјални гости ќе бидат Етно група Траг од Бања Лука со актерот Горан Јокиќ, Глигор Гелебешев и Александра Коцевска од Музичкото училиште од Скопје, а свој настап ќе има и КУД "Српски вез" од Куманово.

Свети Сава има огромно влијание за развојот на културата и образованието за Србите, српскиот народ било каде да се наоѓале. Растко Немањиќ се одрекува од својот престол и заминува за Света Гора каде што се препушта на духовноста, гради голем број на цркви, манастири, работи на образованието и развојот на српската духовност и култура. Од овие причини е земен овој празник и Српската заедница во Македонија со години го одбележува овој значаен ден за нас. Во повеќе градови во Македонија се организираат овие светосавски академии - изјави Горан Зафировиќ, потпретседател на Српска заедница во Македонија.

Српска вечер вечерва ќе има во Тетово, во понеделник во Битола ќе биде прикажан филм за Кајмакчалан, во вторник е свечената академија во Куманово, а централната прослава ќе биде во среда во Скопје.