Стечајците најавуваат штрајк со глад
Стечајците од здружението УНИТ најавуваат радикални протести пред министерства и штрајк со глад, затоа што шести пат по ред беше одбиен од власта законот за нивно обештетување.
Кога ќе започнат со протестите и блокадите на сообраќајниците ќе зависи од политичката состојба во државата. Стечајните работници својот револт ќе го искажат пред Министерството за труд и социјална политика, Министерството за финансии и Владата.
Ако тоа не помогне, ќе има штрајк со глад пред Влада. Ќе почнат прво координаторите, а потоа ќе може секој член да ни се придружи кој ќе може и кој ќе сака. Донесовме одлука до почекаме да престане со работа Собранието. Ако има избори ќе мора да стопираме, затоа што за време на избори нема логика да излегуваме и било што да правиме. Сепак од политичката ситуација во Македонија ќе зависи и нашето делување. Досега бевме мирни, ајде да не правиме проблеми, меѓутоа ќе мора да се вратиме на улица -рече Лилјана Георгиевска, претседател на УНИТ.
Таа вели дека смртноста кај стечајците е голема, не можат да си ги подмират основните трошоци и се принудени со порадикални мерки да се борат за своите права.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
