Зачленете се во нашиот клуб на читатели и најновите текстови ќе ги добивате на вашата мејл адреса
Од СВР Куманово денеска на прес-конференција информираа дека едно осомничено лице е приведено за опожарувањето на 11 возила на 4 локации во градот.
Се преземаат мерки за расчистување на случајот, и се прегледуваат снимки од видео надзорот за да се види дали лицето било само или имало уште некој. Мотивите за опожарувањето на возилата допрва ќе се утврдуваат.
По преземените оперативно тактички мерки од страна на полициските службеници од СВР Куманово, веднаш по последниот настан е приведено едно осомничено лице и се работи на целосно расчистување и документирање на настанот, по што ќе биде поднесена соодветна кривична пријава. Од страна нна ТППЕ Куманово пожарите се изгаснати, при што повеќето од возилата се целосно изгорени - изјави Валентина Николовска, портпарол на СВР Куманово.
Приведениот и е познат на полицијата бидејќи и претходно вршел кривични дела. Од запалените 11 возила , две се на полициски службеници. На улица „Пионерска“ се запалени 4 возила, 4 на „Димитрије Туцовиќ“, 2 на „11 Октомври“ во кругот на болницата и едно на улица „Гоце Делчев“ пред хотел „Кристал“.
Десет од запалените возила им припаѓаат на граѓани на Куманово, а еден од сопствениците е од Кратово.
Зачленете се во нашиот клуб на читатели и најновите текстови ќе ги добивате на вашата мејл адреса
