Зачленете се во нашиот клуб на читатели и најновите текстови ќе ги добивате на вашата мејл адреса
Триесетина поплавени семејства од Куманово, до денеска поднеле барања до општината за надоместување на штетите.
Жители на Средорек, улица “Никола Тесла“, село Лопате и Доброшане бараат обештетување за уништениот мебел, помошни простории и земјоделски површини.
“ Сите семејства можат да поднесуваат барања до 27 ноември, до 15.30 часот до архивата на општина Куманово. Потоа комисијата за проценка на штети ќе излезе на терен за да ја утврди штетата. Комисијата ќе направи збирен извештај и ќе го поднесе до Советот на општина Куманово и откако ќе се усвои, истиот ќе биде испратен до комисија при Влада на Република Македонија“ - вели Цоки Ристовски, претседател на комисија за проценка на штети во општина Куманово.
Минатата недела реката Кумановка се излеа од коритото и поплави куќи на улица “Никола Тесла“ и во населба Средорек.
Зачленете се во нашиот клуб на читатели и најновите текстови ќе ги добивате на вашата мејл адреса
