Ученици од Дује во посета на Куманово

Ученици од францускиот град Дује, од 17 до 24 април ќе бидат во посета на Гимназијата “Гоце Делчев“.

Учениците ќе бидат сместени кај нивните врсници и ќе одат на часови во Гимназијата.

“Гостите ќе останат Куманово една недела. Се работи за 14 ученици и 3 професори. Ја подготвуваме агендата и ќе ги одведеме да ги прошетаме некаде во Македонија. Наши ученици и професори во ноември лани беа кај нив, а сега ние сме нивни домаќини“ - вели Милена Денчевска, професор по француски јазик во “Гоце Делчев“.

Соработката со училиштето од Дује трае веќе три години.