Зачленете се во нашиот клуб на читатели и најновите текстови ќе ги добивате на вашата мејл адреса
Ученици од основните училишта денеска ја посетија општината Куманово и на градоначалникот му однесоа скулптура, по повод 11 ноември - Денот на ослободувањето на Куманово.
Скулптурата на Калиопи - божицатa на епската поезија ја избработија на ликовна колонијa, која ја организираше Здружение за грижи и воспитување на децата Куманово.
Традиционално секоја година доаѓаме на овој ден, го поздравуваме нашиот градоначалник и му го честитаме празникот во име на сите ученици во градот“ - изјави Виолета Стошевска, претседател на Здружение за грижи и воспитување на децата Куманово.
Учениците ги прими секретарот на општина Куманово, Валентина Алексовска, која се заблагодари на подарокот и празничната честитка.
“Имаме бројни прослави за одбележување на празникот. Вие сте иднината на нашиот град, генерации на кои ќе се потпреме и ќе треба некои од вас или од вашите блиски другарчиња да го водат градот и да придонесат во развојот на се поубаво и поцивилизирано, модерно живеење“- рече во поздравното обраќање Алексовска.