Учениците од “11 Октомври“ поделија цвеќе на гинекологија

Тие велат дека целта е на посебен, несекојдневен начин да им го разубават празникот на овие жени.

Идејата беше да се изработат цветови, оригами и други видови предмети за да ги подарат на гинеколошко одделение. За сите потреби се направени 250 цветови и се поделени. Традиционално во ОУ “11 Октомври“ традиционално се организираат работилници за повеќе настани, повеќе поводи. Во оваа работилница учествуваа мајки, татковци, вработените, учениците во најголем дел - изјави Лидија Јовановска, училишен библиотекар во ОУ “11 Октомври“.

Гестот го поздрави началникот на гинеколошко - акушерското одделение, Нисо Тасев кој рече дека на ваков начин децата се учат да ги почитуваат жените и воопшто постарите луѓе.

 Се случува ученици за повеќе празници на жените да им поделат цветови и честитки. Истото се случува за Божик, за Бајрам од албанските школи даваат цвеќиња на сите пациентки. Горе на одделението имаме 16 пациентки, а долу има 28 родилки. Ние сме многу благодарни што најмладите го прават ова и што ќе ги навикнеме да го почитуваат здравството, образованието, постарите - вели Тасев.

Вчера учениците од истото училиште цвеќе им подарија и на пензионерките од Домот за стари лица “Зафир Сајто“.