Усвоената кумановска резолуција ќе биде испратена до ООН

Со резолуцијата се повикува ОН да се справат со најголемиот проблем на ЕУ, бегалската криза и што поскоро да се решат војните на Блискиот Исток и Северна Африка.

Лујза Винтон, постојан претставник на УНДП вели дека оваа резолуција повикува на поголем ангажман за менаџирање на бегалската криза.

Оваа резолуција повикува на подигнување на меѓународна грижа и се однесува на градовите и општините кои што се соочуваат со бегалската криза, како и зголемување на помошта од нивната страна. Денешната резолуција се однесува на ургентното признавање дека сите општини и градови кои што се соочуваат со бегалската криза, навистина се наоѓаат во позиција на која што им треба помош - кажа Винтон.

Претседателот на Асоцијацијата на градови носители на порака на мир, Анджеј Петрашик рече дека преку медиумите се информирал за бегалската криза и смета дека овој проблем треба да се решава на едно повисоко ниво. Деновиве имал можност директно на терен да се информира што се случува со бегалците

Се отвори прашањето бегалска и мигрантска криза, бидејќи дел од мигрантите се и економски мигранти од земји каде нема војни, така што евиденцијата и селектирањето на цивилните жртви и мигрантските економски движења треба на некој начин да се канализираат и да му се даде димензија, што значи граѓански цивилни жртви, што значи заминување заради сиромаштијата - рече градоначалникот на Куманово, Зоран Дамјановски.

Учесниците на генералното собрание на Асоцијацијата на градови носители на порака на мир вчера ја посетија населбата Тоде Мендол, а  денеска беа и во Прифатниот центар на Табановце.