Зачленете се во нашиот клуб на читатели и најновите текстови ќе ги добивате на вашата мејл адреса
За сите работни места кои беа наброени од страна на СДСМ на нивната прес-конференција е распишан јавен оглас и е извршена селекција на најстручните кандидати, кои ги исполнуваат предвидените законски услови. При секое вработување е запазена целокупната законската постапка.
Господa од СДСМ, јасно ни е дека не можете да го разберете онаа што го зборуваме. Секој во Република Македонија знае дека СДСМ е скаран во законските прописи, посебно кога станува збор за вработувањата. Сеуште во нашите глави одѕвонува скандалозната изјава на потпретседателот на СДСМ, Зоран Заев за 2.744 партиски вработувања во државната и јавна администрација, исклучиво со одлука на кадровата комисија на вашата партија. Зарем мислите дека граѓаните заборавија на заканата на Заев дека ќе бркате од работа ако дојдете на власт, за да вработите ваши партиски војници, ваши роднини и пријатели. Самите признавте дека за вас законските норми не важат, единствен услов за вработување е партискиот амин од кадровата комисија на СДСМ, што на дело го гледаме во сите општини каде што СДСМ има градоначалници, вклучително и општина Куманово-одговори Игор Божиновски, портпарол на општинскиот комитет на ВМРО-ДПМНЕ, на вчерашните обвинувања на СДСМ дека вработуваат партиски војници.
Од партијата потсетија дека рекордни 36 проценти на невработеност зад себе оставила СДСМ и Бранко Црвенковски во неговото транзициско владеење.
Зачленете се во нашиот клуб на читатели и најновите текстови ќе ги добивате на вашата мејл адреса
