Во „11 Октомври“ одбележан Денот на дрвото

Учениците пишуваа творби, цртаа на тема “Ден на дрвото - засади ја својата иднина“, собираа смет и дворот го засадија со бел бор.

Одделенска настава се внатре , творат на тема дрво значи има цртање , пишување на лични творби , уредување на училниците , додека учениците од предметна настава имаат активности во училишниот двор ,значи засадувања на садници. Исто така и еколошко средување на дворот ,собирање на лисја и такви слични активности од еко - секцијата произведување на компост - изјави Елизабета Костадиновска Костиќ, директорка на училиштето.

За Денот на дрвото училиштето доби 100 садници, а  дел од нив ќе бидат засадени и во подрачните училишта.

Дел од садниците беа дадени во подрачните училишта во село Речица и  во село Којнаре  и овдека во нашето училиште значи ископавме дупки и ги засадивме садниците од бел бор - кажа Јелена Павловска, професор по биологија и координатор за екологија во училиштето.

Денот на дрвото масовно се одбележува во целата држава со цел заштита на околината.