Зачленете се во нашиот клуб на читатели и најновите текстови ќе ги добивате на вашата мејл адреса
Во Средното економско училиште „Перо Наков“ во Куманово, денеска до 12 часот се запишале вкупно 94 ученици, а најголем дел од нив биле заинтересирани за струките економски техничар и графички дизајнер.
Вчера до 19 часот биле пријавени вкупно 76 ученици, а денеска до 12 часот 18 деветоодделенци.
„Најголем интерес имаат учениците за економски техичар и графички дизајнер, тука имаме поголема бројка. Целосно се работи според протоколи донесени од страна на Владата. Согласно на нив, имаме поставено редари, внимаваме на растојанието од дваметри, обележан е вкупниот простор, на еден влез се влегува на друг се излезува. Имаме дезинфекциски средства, а и континуирано се дезинфицира просторот“, вели Мила Жибак, директорката на СОУ „Перо Наков“ во Куманово.
Таа, како и останатите директори во средните училишта, потенцира дека протоколот произлезен од мерките за заштита од вирусот КОВИД-19, всушност создал растоварен и мирен упис.
Учениците во првиот уписен рок, можат да се запишуваат денес до 19 часот, утре (четврток) од 7 до 19 часот навечер и во петок од 7 до 13 часот напладне. Резултатите од првиот уписен рок ќе бидат објавени во петок по 15 часот.