Во Куманово издадени 12 одобренија за градба

 Во Куманово, во ноември лани, издадени се 12 одобренија за градба, покажуваат податоците на Државниот завод за статистика.

Од нив 10 одобренија се издадени на физички лица, а 2 се за изградба на деловни објекти. Во ноември во општина Липково се издадени 2 одобренија за градба на физички лица, во Кратово едно за деловен објект и во Старо Нагоричане едно одобреније  за физичко лице. Во Ранковце и Крива Паланка во ноември не е издадено ниту едно одобреније за градба.

На ниво на држава бројот на издадени одобренија за градба, споредбено со истиот период лани е зголемен за 54 отсто.