Во тек е набавка на училишната опрема и тоа е согласно предвидените рокови на проектот, одговорија од „Киро Бурназ“

„ДСУ РЦСОО „Киро Бурназ“, со преминување во државно училиште, започна и со реконструкција на целиот објект и опремување со најсовремена опрема. Процесот се одвива во две фази. Првата фаза која се однесува на градежни работи изнесува околу 2 милиона евра и е целосно завршена. Таа опфаќа целосно реконструкцоја на училишна зграда, ученички интернат, дел од фармата и партерно уредуваење, и тоа се одвиваше за време од 18 месеци. Втора фаза е набавка на опрема, таа изнесува околу 1 милион евра, и е во процедура согласно предвидените рокови. За околу 2 месеци пристигнува основна опрема, клупи, столчиња и табли, а остатокот од специфична опрема тековно ќе се достасвува. Ова е вистина една и единствена за РЦСОО „Киро Бурназ“, сето друго изнесено е тотална лага и дезинформација, што и не е чудно кога доаѓа од некој кој нема елементарни познавања за образовниот процес и не знае да биде горд што токму во нашата Општина е направено еден така прекрасен објект, препознатлив за целиот регион“, соопштуваат од училиштето, како рекација на обвинувањата на Левица.