„Водовод“ работел со добивка од јули до септември годинава

Овие податоци денеска беа презентирани на 44-та седница на Советот на општина Куманово пред советниците. Директорот на “Водовод“, Горан Стојковски вели дека добивката е 6.380.000 денари во наведеното тромесечје, а за 9 месеци имаат добивка од 3.280.000 денари.

Добивката се должи на заштеди на секој план и добивката ќе беше многу поголема, да не решеше заменик претседателот на ВМРО-ДПМНЕ на локално ниво, популарниот командант вентил да ја затвори водата кога најмногу се троши. Се надеваме дека овој позитивен  тренд на работење ќе продолжи и понатаму. Сите елементи, наплата, фактурирање се зголемуваат, а сите расходи се намалуваат што значи дека работиме домаќински. Да ги имавме потребните количини вода ве уверувам дека извештајот ќе беше уште подобар - изјави Стојковски.

Тој вели дека имаат наследени долгови кон ЕВН, а другите долгови се плаќаат навреме.

Тримесечниот извештај беше усвоен од советниците.