Жените од ВМРО-ДПМНЕ донираа за сиромашните

Собрана е помош за неколку семејства и се очекува викендов социјално-загрозените семејства да ја добијат помошта. Од партијата велат дека и понатаму ќе им помагаат на граѓаните кои имаат егзистенцијални проблеми.

Планирано е да се посетат 4-5 семејства, претежно во руралните средини на општина Куманово. Во дадена ситуација оваа помош може да значи. Сметам дека ако сите се здружиме можеме да излеземе во пресрет согласно нашите можности, со собраните средства кои можеме да ги обезбедиме и да ги дадеме. Ова не е единствена акција. Со вакви акции ќе продолжиме и во иднина. Од изминатите неколку акции што ги направивме имаше голем интерес и од другите луѓе, се пријавуваа сами секојдневно од работа на терен, постојани контакти со месните комитети, Унија на жени со граѓаните на Куманово. Досега на сите кои побарале помош сме помогнале - вели Емилија Трајковска, претседател на УЖ на ВМРО-ДПМНЕ ОК Куманово.

Следниот месец ќе има слична акција и ако дозволат временските услови штандови ќе има на плоштад.

Унијата на жени во наредниот период ќе продолжи и со организирање на едукативни трибини.