500x100-1
28. 11. 2019 10:09

ДНЕВЕН ХОРОСКОП (28.11.2019)

ДНЕВЕН ХОРОСКОП (28.11.2019)

Дневен хороскоп

Овен

Доколку денес навистина размислувате како да најдете решение на некои работи, обидете се да го искористите вашето  искуство. Понекогаш не се потребни совети, потребно е само да се свртите кон вашата работна биографија. Кога станува збор за љубовта обидете се да не смислувате нови изговори туку бидете искрени со вашиот партнер, затоа што тоа е најдобриот совет за поправање на односите во љубовта. Искреноста е најблаженото нешто кое го поседува љубовта.

Бик

Денес кога станува збор за вашата работа обидете се да се потпрете и на вашето искуство но и на вашиот инстинкт. Цело е кога има се'. Кога станува збор за љубовта, уживајте во емотивните вибрации кои денес ќе ги чувствувате од саканата личност и не барајте скриена намера во нешто во кое тоа го нема.

Близнаци

Денес обидете се да ги послушате советите кои ќе ви бидат понудени на работата. Затоа што во моментот и тоа како ви се потребни сугестии за поправање на вашата состојба на работата. На љубовен план, денес ќе бидете пречувствителни, а и голема е веројатноста дека на партнерот ќе му замерите дека не знае до каде му е границата за шегување. Доколку нешто ви пречи, кажете му на време.

Рак

Денес ќе се чувствувате несигурно на работата, но запомнете дека доколку се најдете во непријатна ситуација која вие ќе ја предизвикате, дека треба да ја прифатите одговорноста. Сепак, не грижете се нема да станува збор за некоја сериозна грешка, туку за некоја секојдневна вообичаена работа. На љубовен план, чувствувате емоционална нестабилност и барате место каде ќе може да седнете и да си ги средите сопствените мисли.

Лав

Вашите идеи и немаат големо значење доколку не се верификувани и од другите. Тоа мора да го запомните, доколку сакате да постигнете подобри резултати на работата. На љубовен план, ќе се чувствувате напнато и постојано ќе имате лошо претчувство за вашиот партнер. Обидете се да не донесувате заклучоци на основа на претпоставки.

Девица

Денес на работата вашите соработници од вас ќе очекуваат да ги прифатите нивните услови, затоа обидете се да се адаптирате и на нивното мислење, за да можете индиректно да го вметнете и сопственото мислење. На љубовен план, важно е да го направите и она кое за вас значи олеснување, не секогаш треба да се ставате во втор план.

Вага

Иако вие постојано посветувате премногу внимание и енергија за да се докажете на работата, сепак треба да сфатите дека мора да ја покажете и вашата човечка страна, затоа што чувството на заедница не се гради на основ на интелигенција. На љубовно поле, обидете се да уживате во потесен круг на вашите блиски, затоа што тоа е особено важно за развивање на чувство на припадност.

Шкорпија

Денес ќе ви пречат неправдите на работата, но  обидете се да не заземате страна затоа што тоа дополнително може да ја загрози вашата положба. Останете на страна и набљудувајте за да можете да делувате откако ќе ги видите и двете страни. На љубовен план, оставете им на вашите чувства да одлучуваат за вас, затоа што во љубовта разумот не е тој кој решава.

Стрелец

Иако располагате со повеќе докази за некој ваш колега на работата кој не работи соодветно на прсвилата, сепак обидете се да размислите подобро пред да делувате. Нема сите да бидат на вашата страна на искреноста и правдата. На љубовен план, иако чувствувате емоционална нестабилност и несигурност, денес ќе се обидете да бидете поприсебни и нема да дозволите да надвладее вашиот бес.

Јарец

Вие најчесто сте обвинувани за неуспех на работата поради тоа што не знаете да воспоставите добри односи со вашите колеги, па колегите воопшто и не го гледаат добриот дел во вашата работа. Поработете на вашите комуникативни способности. На љубовен план, имате чувство дека се' што размислувате е во погрешна насока, па затоа пред да донесете заклучок обидете се да погледнете од повеќе агли.

Водолија

Претерувате со вашите амбициозни планови, па голема е веројатноста дека вашите колеги можат истото да го протолкуваат како возгордеаност и да ви свртат грб. На љубовно поле, ќе ве пратат несогласувања со вашата сакана личност, меѓутоа обидете се од истото да не правите драми, затоа што нема да почувствувате олеснување ако на целиот град раскажете како се чувствувате.

Риби

Многу работи се менуваат, па затоа доколку сакате да напредувате на работата не се држете грчевито до она што го имате и го знаете моментално. На љубовен план, понекогаш на вашиот партнер му поставувате преголеми барања, само за да ја ставите на тест неговата љубов. Не заборавајте дека љубовта не треба да се валка со "некакви тестови", туку треба да биде чиста и искрена.