„Налепница“ и Сашко Коцев останаа без номинација за Оскар

12.02.2021 - 10:32

Македонските филмови останаа без можност оваа година да се борат за најпрестижната статуетка во индустријата.

„Налепница“ и Сашко Коцев останаа без номинација за Оскар

Американската филмска академија, деновиве ја објави пошироката листа, додека конечните номинации ќе бидат познати во понеделник.

Краткометражниот филм „Налепница“ на Георги Унковски, а со главна улога на Сашко Коцев, со победата на фестивалот „Ин д палас“ во Софија, Бугарија се квалификуваше во трка за номинација, но за жал не влезе во потесниот круг.

Од македонските долгометражни филмови, номинација за Оскар не обезбеди ниту „Врба“, дело на легандарниот Милчо Манчевски.

Домаќин на годинешната церемонија за доделување на наградите ќе биде Лос Анџелес, на 25 април.

 (Д.Д.)

 

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk