Новак Ѓоковиќ го започнува денот со сок од целер

Тој верува дека токму овој сок е одговорен за неговото добро здравје, кое му дава сила да победува на турнирите и да ниже успеси.

„ Вака јас го започнувам денот. Најпрвин, пијам малку топла минерална вода со лимон и лимета. Потоа ѕирнувам во фрижидерот, каде што ги чувам зелените стебленца целер. Ги ставам во блендер за ладно цедење и правам сок од нив“, ја споделува својата тајна Ѓоковиќ на своите следбеници на Инстаграм.

Тој вели дека овој сок е полн со минерали, соли и други елементи кои го чистат црниот дроб.

„Овој сок прави чуда за мене и за моето семејство. Но тие не го земаат чист, туку со додаток на сок од јаболка и краставици“, открива Ноле.

Целерот содржи големи количини на витамини и минерали, а има и силно диуретско дејство. Нутриционистите велат дека го регулира нивото на холестерол, го намалува крвниот притисок, поволно влијае на метаболизмот, кожата и имунитетот, а помага и при хидратација и слабеење.

Целерот, како лек, го користеле и старите Египќани. Ги содржи витамините К, Е, Ц и Б, а богат е и со калциум и л киселина.

За оние кои не го сакаат вкусот на целерот, нутриционистите препорачуваат да се додаде краставица и зелена јаболка во соковник или блендер.