×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Flex Credit

    „Тајната на љубовта“ на Драгана Јовановска, која освои Гран-при доби и видео спот

    03.03.2021 12:52 | KumanovoNews

    Песната „Тајната на љубовта“, со која пинковата ѕвездичка Драгана Јовановска од Куманово, освои Гран-при на меѓународниот фестивал „Ѕвездички“ во Прилеп доби видео спот.

    „Тајната на љубовта“ на Драгана Јовановска, која освои Гран-при доби и видео спот

    Спотот го изработи Ин продукција, а снимен е во Охрид. Текстот е на Миодраг Врчаковски, музика на Кире Костов и продуцент Александар Митевски.  

    Квалитетот и интерпретацијата на оваа песна беше потврден на Меѓународниот детски фестивал „Ѕвездички“ во Прилеп, кој се одржа пред три месеци. На фестивалот учествуваа претставници од Србија, Босна и Хецеговина, Русија, Молдавија, Малта, Хрватска, Бугарија, Црна Гора и Албанија. Во силна конкуренција Јовановска се закити со највисокото признание Гран-при за интерпретација од стручното жири.   

    „Ова не ми е прва награда, но многу ми значи. Таа е поттик да продолжам уште попосветено да работам“, - изјави Драгана.

    Поради коронакризата таа сите активности и настапи ги ставила во мирување, но веќе прави планови и размислува за нова песна за која бара тим за соработка.

    Драгана има 14 години, а уште на 7-годишна возраст започнала да посетува часови по пијано и пеење. На 8 години учествувала на фестивалот „Златно Славејче“ , а била солист и член на детскиот хор.  Учествувала на детското шоу „Пинкови Ѕвездички“ каде стекна огромно искуство и многу нови пријателства кои продолжуваат и до ден денес. Има освоено бројни награди и признанија на меѓунарони фестивали во регионот, како и во Русија и Белорусија.

    (З.Р.)

    2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk