500x100-1
25. 04. 2018 19:58

Куманово го потопи Охрид и се пласираше во Плеј-оф

Куманово го потопи Охрид и се пласираше во Плеј-оф

Кошаркарите на Куманово забележаа победа против тимот на АВ Охрид со резултат 90-96 со што обезбедија место во завршницата од домашното првенство.

Куманово имаше лош старт на натпреварот и се чинеше дека Охрид е екипата која повторно ќе извојува победа. Сепак гостите се разбудија во продолжението и успеаа да ја анулираат негативата а подоцна и рутинирано да поведат на мечот. Тројките на Марјан Јаневски беа клучни кога се кршеше резултатот и со вкупно 24 поени е најефикасен поединец кај победникот. Никола Караколев постигна 19 поени, Александар Штерјов го заврши натпреварот со 14 поени а Ковач и Мекиќ постигнаа 11 коша.

Куманово обезбеди место помеѓу најдобрите четири екпи оваа сезона кои ќе го продолжат натпреварувањето во Плеј-оф, заедно со Работнички, Блокотехна и МЗТ Скопје.