Зачленете се во нашиот клуб на читатели и најновите текстови ќе ги добивате на вашата мејл адреса
Голем пожар избувнал околу 17 часот во близина на Железничката станица во Куманово.
Од противпожарната единица Куманово, велат дека е запалена поголема количина на стари прагови извадени при реконструкцијата на железничката пруга, кои поради тоа што се премачкани со битумен развиваат голема температура и испуштаат црн чад.
На терен се три цистерни со 9 пожарникари, кои го гаснат огнот. Пожарот е ставен под контрола и не може да се прошири кон останатите објекти, - тврдат поажрникарите.
Од СВР Куманово соопштуваат дека од 17.40 часот железничкиот сообраќај на пругата Куманово-Табановце е во прекин. Причината за пожарот не е позната.
Облакот од црн чад се гледа од сите страни на градот а се шири и непријатна миризба поради што ги вознемири граѓаните на Куманово.