Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура „Трајко Прокопиев“ во Куманово, вечерва со почеток во 20 часот ќе биде отворена изложбата на фотографии „Прага интима“ на фотографот Влатко Деков.
Ќе бидат изложени 34 црно бели фотографии, а вооедно ќе биде промовирана и фото книга со истото име како и изложбата.
„Прага интима“ е личен, интимен портрет на еден од најубавите градови во светот, Прага. На трагите на она што го работеше познатиот чешки фотограф, Јосеф Судек. Овие фотографии ги доловуваат скриените, вонвременски делови на градот, најчесто без присуство на луѓе. Проектот е работен 2 години, период во кој авторот ја посетува Прага 5 пати, живее и ја фотографира вкупно 44 денови, во текот на летниот и во зимскиот период.
Изложбата е финансирана од Министерството за култура на Република Северна Македонија.
Зачленете се во нашиот клуб на читатели и најновите текстови ќе ги добивате на вашата мејл адреса
