Кривични пријави против тројца вработени во „Водостопанство“

Поднесени се кривични пријави за: злосторничко здружување, злоупотреба на службена положба и овластување, измама во служба, фалсификување на исправа, проневера на служба, несоветно работење, фалсификување и уништување на деловни книги, фалсификување на исправа и употреба на исправа со невистинита содржина.

„Оваа група изготвила лажни документи за прием на стоки и матерјали во магацинот на „Водостопансво“, со фалсификувани потписи на магационерот. Потоа истата група изготвила лажни документи за испратница од магацин со фалсификувани потписи на магационер и на сите вработени. Истите стоки никогаш не пристигнале во магацините на „Водостопанство“. Вработените потврдија дека потписите им се фалсификувани и никогаш не примиле такви матерјали“, - изјави директорот Илиевски на прес-конференцијата пред Обвинителството.

Тој додаде дека вработените злоупотребувале ХТЗ опрема, песок, цемент, шибер, спојки, нафта и друг потрошен матерјал, кои чини милионски суми.  Илиевски тврди дека тоа е само еден дел од индициите за извршен криминал во претпријатието што го направило предходното раководство на „Водостопанство- Кумановско-липковско поле“.

„Време е да се дознае зошто во изминатиот период толку многу е уценувано за пари јавното претпријатие „Водовод“, каде завршувале парите на граѓаните, а завршувале во нечии џебови“, изјави Илиевски.

 По поднесувањето на кривичната пријава до Водостопанство, полицијата ќе го испитува случајот за наводите во пријавата од директорот.