Зачленете се во нашиот клуб на читатели и најновите текстови ќе ги добивате на вашата мејл адреса
Република Македонија денеска го слави Денот на независноста. На 8 септември 1991 година беше спроведен референдум на кој 95 отсто од граѓаните се изјаснија за самостојна и суверена држава.
Претходно Собранието на Република Македонија на 25 јануари 1991 година со акламација ја донесе Декларацијата за независност.
Во изминатите 27 години Македонија мина низ многу турболентен период, ембарго, тешка економска состојба, политички кризи, постојаните блокади од Грција поради проблемот со името, а најкритична беше 2001 година кога земјата се соочи со внатрешен конфликт.
Сега земјата и граѓаните е исправени пред нов предизвика. На 30 септември ќе се одржи референдум на кој граѓаните ќе треба да се изјаснат дали се за смена на името во Северна Република Македонија, заради влез во НАТО и ЕУ.
По повод Денот на независноста на Република Македонија денеска на Споменикот жена борец во центарот на Куманово, свежо цвеќе ќе положат делегации на Општина Куманово, политички партии, невладини организации и граѓани.
Зачленете се во нашиот клуб на читатели и најновите текстови ќе ги добивате на вашата мејл адреса
