Зачленете се во нашиот клуб на читатели и најновите текстови ќе ги добивате на вашата мејл адреса
Зголемена е фреквенцијата на возила за излез од државата на граничниот премин Табановце - автопат на македонско-српската граница. Денеска границата ја поминале поголем број на возила од вообичаеното за работни денови, со oколу 20 илјади патници, кои се враќале од Грција и гастарбајтери.
Неочекувано, денеска имавме зголемена фрекфенција на возила што ја напуштаат државата, но тоа не предизвика застој на пасошката контрола. Во функција се сите коловозни ленти за излез, а користиме и една лента за влез во државата. Задржувањето на возилата не е подолго од 20 минути за излез и само неколку минути за влез во државата - вели Мирсаде Шабедини, раководител на смена на преминот.
За време на предходниот викенд на Табановце поминале над 30 илјади патници, а престојниот викенд и до крајот на летото се очекува нивниотт број да биде и поголем.
Дел од граѓаните кои ја поминуваат границата се жалат дека има чести застои на преминот, поради тоа што паѓа системот за пасошка контрола.
Тоа се случува многу ретко во ситуации кога системот е преоптоварен. Обично за викендите имаме непрекината 24 часовна гужва и понекогаш доаѓа до колапс на системот, но тоа не е често- тврди Шабедини.
Зачленете се во нашиот клуб на читатели и најновите текстови ќе ги добивате на вашата мејл адреса
