Зачленете се во нашиот клуб на читатели и најновите текстови ќе ги добивате на вашата мејл адреса
Скопјанец насилно ја отворил капијата на депото на ЈП „Куманово-паркинг“ за да си го земе возилото што му го подигнала Пајак службата.
Според СВР Куманово, на 29.10.2019 година полициски службеници од ПС од ОН Куманово од слобода го лишиле Б.Ј.(35) од Скопје, поради основи на сомнение за сторено кривично дело „самовластие“.
Истиот ден, од страна на вработена во депо на ЈП Куманово паркинг - Пајак било пријавено дека на 28.10.2019 година околу 21.10 часот, додека била на работа, од страна на Пајак службата било донесено патничко моторно возило „мерцедес“, со скопски регистерски ознаки, кое останало во дворот во 22.00 часот, кога вработената ги затворила депото и металната капија.
Според пријавеното, околу 23.10 часот, сопственикот на возилото насилно ја отворил главната капија и го одзел возилото. По целосно документирање на случајот, против Б.Ј. ќе биде поднесен соодветен поднесок.
Зачленете се во нашиот клуб на читатели и најновите текстови ќе ги добивате на вашата мејл адреса
