500x100-1
09. 02. 2019 09:55

Нема пари од Министерството за култура за Денови на комедија

Нема пари од Министерството за култура за Денови на комедија

 Меѓународниот фестивал Денови на комедија остана без финансиска поддршка од Министерството за култура.

Во буџетот на програмата за 2019 година нема предвидено ни денар за негово оддржување.  Информацијата предизвика бурни реакции кај граѓаните. Сите ја осудија одлуката и бараат нејзино повлекување и нова распределба на средствата.

- Очекуваме дека ќе има измени во донесените одлуки, надевајќи се дека е направен случаен превид. Во секој случај ќе вложиме максимални напори и нема да дозволиме да згаснат Денови на комедија што како кумановски бренд ќе остане и ќе стане уште попрепознатлив со текот на годините, - напиша на Фејсбук директорот Сашо Тодоровски.

Фестивалот Денови на комедија се одржува 21 година по ред и претставува една од најзначајните културни настани во градот. Традиционално од 1 до 15 октомври во Центарот за култура „Трајко Прокпиев“ се играат помеѓу 10 и 14 претстави од земјава и регионот, и на секој фестивал се бара карта повеќе.