Почина шестмесечно бебе од Куманово од компликации од мали сипаници

„За жал утрово на Клиниката за инфективни болести почина едно шестмесечно бебе кое имаше морбили. Имаше компликација на белите дробови, а тоа е детенце кое е невакцинирано. Претходно се лекувало на Институтот за белодробни заболувања кај децата – Козле, а потоа префрлено на Клиниката за инфективни болести. За жал лекарите не можеа да се справат со компликацијата“, изјави министерот Венко Филипче.

Тој додаде дека добро е што над 60 отсто од невакцинираните деца по почетокот на епидемијата се вакцинирале и повторно повика родителите да ги вакцинираат децата.

На Инфективна имало уште две деца со сериозни компликации, но се во стабилна состојба.