Зачленете се во нашиот клуб на читатели и најновите текстови ќе ги добивате на вашата мејл адреса
Првата фаза од тендерот за концесија на патиштата од Коридорот 8 ја поминаа пет конзорциуми, од Израел, Португалија, Франција, Унгарија, Австрија, домашната компанија Гранит, компанија од Грција, Турција и Индија.
Tиe ќе учествуваат во постапката за добивање на концесија за изградба, реконструкција, одржување, наплата на патарини и користење на овие патните правци.
Изборот на конзорциумот ќе зависи од концесискиот надомест што треба државата да го добива, како и од субвенциите кои ќе ги бараа компаниите поради недоволната фреквентност на македонските патишта.
Петте конзорциуми се пласирале за двата пакета, од кои за првиот, предмет на концесија се патните правци Крива Паланка – Романовце, Кочани – Штип, Миладиновце – Штип, како и патната делница Миладиновце - Штип преку Свети Николе. Вкупна должина на првиот пакет изнесува 138 километри. Во првиот пакет се вклучени и патните правци Миладиновце – Скопје – Хиподром и обиколницата околу Скопје со должина од 38 километри. Вториот пакет ги опфаќа патните правци во западниот дел на земјата.
Вкупната должина на проектот е 380 километри пат низ државата кои треба да биде финализиран кон средината на следната година.
Патиштата ќе бидат под концесија 35 години,а концесионерите ќе имаат осум години за изградба на патиштата, се очекува изградбата на патиштата концесионерите да ги чини над милијарда евра.
Зачленете се во нашиот клуб на читатели и најновите текстови ќе ги добивате на вашата мејл адреса
