Зачленете се во нашиот клуб на читатели и најновите текстови ќе ги добивате на вашата мејл адреса
Парастос салата на градските гробишта, со која стопанисува ЈП “Чистота и зеленило“, ќе се издава под концесија.
Одлуката веќе поминала на управниот одбор на претпријатието, а во среда предлогот ќе се најде на дневен ред пред советниците.
Директорот Даниел Стојчевски, вели дека основна причина поради која сакаат да ја издадат парастос салата е остварувањето на поголем профит.
„Не можеме да стопанисуваме со парастос салата затоа што не сме конкурентни. Ние сите набавки, според закон, мора да ги спроведеме преку тендер, поради што ни треба многу време и имаме проблеми во работењето. Поголем профит ќе оставриме ако ја издаваме отколку да стопанисуваме со салата“, - изјави Стојчевски.
Директорот тврди дека постапката за избор на концесионер ќе биде транспарентана и ќе се изведе електронски, при што ќе се избере најдобриот понудувач. Почетна цена на аукцијата ќе биде над 1,3 милиони денари на годишно ниво.
Салата до пред неколку години ја работеше приватник, но по завршување на договорот ја презема претпријатието.