Зачленете се во нашиот клуб на читатели и најновите текстови ќе ги добивате на вашата мејл адреса
Кумановската полиција работи на откривање на лицето кое синоќа испиша недолични графити на спомен плочата на Јосип Броз Тито во центарот на Куманово.
Полициски избори велат дека плочата била осквернавена околу 23 часот, а имало и очевидци на настанот. Случајот кај нив бил пријавен 50 минути по полноќ и започната е истрагата. Од понеделник ќе бидат прегледани и видео записите на околните објекти и банки, заради откривање на сторителот.
Вандализирањето на споменикот на Тито со нацистички пораки ја згрози кумановската јавност. Граѓаните се едногласни дека виновникот треба под итно да се најде и да се казни.
Со осуда на постапката излегоа градоначалникот Максим Димитриевски, претседателката на Советот Атина Мургашанска и од општинскиот комитет на ВМРО-ДПМНЕ.
По барање на Општината Куманово утринава екипи на јавните претпријатија излегле на терен и ги исчистиле чкртаниците од споменикот и плочникот.
Зачленете се во нашиот клуб на читатели и најновите текстови ќе ги добивате на вашата мејл адреса
