Зачленете се во нашиот клуб на читатели и најновите текстови ќе ги добивате на вашата мејл адреса
Владата на Република Македонија на вчерашната седница донесе одлука за одобрување на финансиски средства за Индустриската зона во Куманово.
Се работи за 20 милиони денари, кои деновиве ќе и бидат префрлени на Општина Куманово на посебна сметка и ќе се искористат исклучиво за инфраструктурно уредување на Индустриската зона во селото Речица. Со тоа ќе се создадат услови зоната да заживее и да биде примамлива за домашните и странски инвеститори, - изјави потпретседателот на Владата и министер за внатрешни работи, Оливер Спасовски.
Средствата ќе се искористат за изградба на водоводна и канализациона мрежа, атмосферска канализација, пречистителна станица и асфалтирање на улици.
Од Општина Куманово велат дека тие се подготвени да ги искористат предвидените средства, бидејќи изработката на проектната докуменатција е во завршна фаза.
Индустирската зона Куманово е неменета за мали и средни претпријатија со лесна незагадувачка индустрија, а предвидена е и изградба на хотел. Се наоѓа покрај автопатото Куманово- Табановце, во близина на селото Речица. Формирана е пред десетина години, но без подршка на предходната централна власт не успеа да се развие и да стане атрактивна за инвеститорите. Затоа досега се продадени само 8 од педесетина парцели.
Со оглед на добрата местоположба и условите што ќе се создадат, се очекува Куманово конечно да добие атрактивна индустриска зона, како во другите општини.