500x100-1
21. 06. 2018 14:45

Заврши детскиот ликовен камп „АСНОМ 2018“

Заврши детскиот ликовен камп „АСНОМ 2018“

Денеска беше затворен  детскиот ликовен камп „АСНОМ 2018“, кој во изминатите 4 дена се одржа во меморијалниот центар „Пелинце“, во организација на Фондацијата за спорт и култура и Секторот за култура на Куманово.

На кампот учествуваа 30 ученици од сите основни училишта, како и штитениците од Центарот за лица со попречен развој „Порака наша“.

„Направени се околу 100 дела во сите техники и ќе бидат доделени на „Порака наша“. Ова го правиме со цел да го поттикнеме уметничкиот дух и креативноста кај децата, а ликовниот камп секоја година станува се популарен. Истиот е извор на нови ликовни таленти и Општина Куманово ќе ги поддржува манифестациите од ваков карактер“ - изјави Десанка Стошевска, секретар на Општина Куманово.

На завршницата од детската ликовна колонија на учесниците им беа доделени благодарници за учеството.

 Детскиот ликовен камп се одржува по 8 пат.

Заврши детскиот ликовен камп „АСНОМ 2018“