×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Flex Credit

    Преговорите за минималната плата почнуваат во среда

    31.01.2022 16:27 | KumanovoNews

    Министерката за труд и социјална политика Јованка Тренчевска и претставници на Организацијата на работодавачи, денеска одржаа прва работна средба на која главна тема беше барањето на синдикалците за  зголемување на минималната плата и важноста од социјалниот дијалог во државата.

    Преговорите за минималната плата почнуваат во среда

    Министерката Тренчевска информираше дека преку дијалог со работниците и работодавачите ќе бидат изнајдени најсоодветни решенија за утврдување на висината на минималната плата.

    „Дијалогот почнува во среда кога ќе го одржиме и првиот состанок на Економско социјалниот совет. Нашиот став е дека преку преговори за минималната плата во кои ќе учествуваат Владата, работодавачите и работниците со факти и аргументи треба да дојдеме до решение кое е добро за сите засегнати страни.  На овие состаноци ќе го отвориме и прашањето за промена на критериумите за минималната плата“,  рече министерката Тренчевска.

    Претставниците на Организацијата на работодавачи сметаат дека најдобро е дијалогот да започне со  разговори за новите критериуми за покачувањето на минималната плата.

    Соговорниците се согласија дека сите чинители во преговорите се еднакво важни во дијалогот од кој се очекува да произлезе најдобар одговор на прашањето за минималната плата.

    2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk