Јавниот сектор да работи од 9 до 15 часот за да се заштеди струја, предлага Конфедерацијата на слободни синдикати

Целта е заштедената енергија да се даде на бизнис секторот и на јавните комунални претпријатија.

„Ние препорачуваме на почетокот на грејната сезона јавниот сектор да работи од 9 до 15 часот кога има целосна светлина и кога е најтопло во денот. Таа енергија што ќе се заштеди од јавните претпријатија и од јавните институции да се даде како помош на бизнис секторот и на јавните комунални претпријатија за да не трпиме големи ценовни шокови“, велат од КСС.

Од КСС додаваат дека со рационализација јавниот сектор може да се направат дежурни тимови кои ќе ги сервисираат неопходните дејности во текот на еден ден.