Алтернативни паркинг простори за решавање на сообраќајниот метеж во Крива Паланка

Кејот на Крива Река  е искористен за обезбедување на алтернативен паркинг простор во функција на намалување на сообраќајниот метеж во Крива Паланка. Паралелно со изградбата  на мајор коритото на реката и хортикултурното уредување , дел од овој простор е искористен и за функционално приспособување за намалување на сообраќајната преоптовареност  во градот. 

Алтернативните простори се наоѓаат на две локации: едната е непосредно до Градскиот зелен пазар и центарот на градот, а другата локација до Автобуската станица и сточниот пазар.

„Крива Паланка добива  алтернативни  паркинг простори во  градот, погодни за извршување на секојдневните обврски.Едниот паркинг е на една минута од центарот на градот, а вториот е погоден  за сите кои рано наутро патуваат на работа и имаат потреба возилата да ги остават  на подолг временски период од денот“, посочува градоначалникот Сашко Митовски.

Истовремено, општина Крива Паланка изработува и основен сообраќаен проект за справување со сообраќајниот метеж во градското подрачје и непречен проток на возила и пешаци.