Џез работилница за младите во Крива Паланка

06.12.2021 22:58 | Жаклина Цветковска

Младите од Крива Паланка се запознаа со основите на џезот и џез композициите на работилница што ја водеа истакнатите македонски џез музичари.

Џез работилница за младите во Крива Паланка

Работилницата беше интерактивна и едукативна, а повеќето од младите за првпат во живо слушаа џез музика и имаа можност да се запознаат со музичките инструменти.

Целта е да се зголеми свеста кај младата генерација за современите музички текови и да се поттикне нивниот интерес за вредностите на музичката култура, наспроти шундот и турбо фолкот кои се повече навлегуваат во музичкиот свет на младите.

Промоџијата на џез културата беше надополнета со целовечерен концерт на џез составот Гордан Спасовски квинтет и солистот Џон Илија Апелгрен.

Настаните беа организирани во рамки на проектот „Џез лектира“ на Центарот за аудиовизулни уметности од Крива Паланка, со поддршка на Министерството за култура.

2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk