Зачленете се во нашиот клуб на читатели и најновите текстови ќе ги добивате на вашата мејл адреса
Во акцијата за превентивни гинеколошки прегледи во руралните средини, вкупно 78 жени од општина Ранковце ги искористиле бесплатните услуги на Гинеколошката мобилна амбуланта која беше поставена во оваа општина.
Превентивните прегледи опфаќаат бесплатен ПАП тест и гинеколошки ЕХО преглед, со цел превенција и рана дијагноза на рак на грлото на матката.
Контролите ги вршат гинеколози од Универзитетската клиника за гинекологија и акушерство и повеќе болници во државата, а работата на мобилните амбуланти е овозможена со поддршка на Министерството за здравство, Македонската асоцијација на гинеколози и опстетичари – МАГО, Македонското лекарско друштво, Црвениот крст и УНФПА – Фондот за население на Обединетите нации.
Во иницијативата е вклучен и Црвен крст на РСМ, а волонтерите од Црвениот крст Крива Паланка обезбедија логистичка и информативна поддршка и учествуваа во мапирање на ранливите целни во соработка со матичните лекари и Центрите за социјална грижа .
„Со работата на мобилната амбуланта треба да се зголеми бројот на жени од ранливите групи и од руралните и оддалечените места, кои ќе направат бесплатни гинеколошки прегледи, како и да се подигне свеста за важноста од редовни скрининзи, бидејќи прегледите се најдобра заштита од болести“, вели секретарот на ОО Црвен крст крива Паланка, Дарко Пешовски.
Пациентките се прегледувани на дневна основа, со закажани термини од 9:30-14:30 часот, со 30 минутен преглед за секоја жена.
Зачленете се во нашиот клуб на читатели и најновите текстови ќе ги добивате на вашата мејл адреса
