Зачленете се во нашиот клуб на читатели и најновите текстови ќе ги добивате на вашата мејл адреса
Младите атлетичари на атлетскиот клуб Куманово доминираа на изминатото Државно првенство во пионерска конкуренција.
Тие освоија најголем број на медали во историјата на оваа натпреварување.
Милан Вељковиќ освои две први места на 100 метри и на 300 метри со резултат 11.82 секунди, односно 37.92 секунди. Во иста конкуренција Марио Антоновски освои сребрени медали со свои 2 лични рекорда 12.53 и 39.84 сек.
Третиот медал овие двајца членови на АК Куманово го освоија во штафетата 4х100 метри, а лошите измени ги чинеа атлетичарите нов рекорд во пионерска конкуренција кој им „избега“ за 33 стотинки.
Во женска конкуренција Сања Тимчевска освои злато на 100 метри, и штафетата 4х100 метри. На 300 метри повторно беше најдобра кумановката Анеса Ајдари која ја однесе победата со резултат 43.69 секунди.
Во скокачките дисциплини повторно Куманово зеде поголем број од медалите. Злато освоија Сања Тимчевска во скок во далечина, Бесијана Мустафа во скок во виосчина, а Ана Марија Петровска во фрлање диск и ѓуле.
Со тоа Куманово освои вкупно 12 златни медали и 2 сребрени, со што потврдува дека се наоѓа во врвот на македонската атлетика.
Зачленете се во нашиот клуб на читатели и најновите текстови ќе ги добивате на вашата мејл адреса
