Денеска започнува новата кошаркарската сезона

Куманово својот прв натпревар ќе го игра во вторник од 20 часот против екипата на Фени Индустри.

Оваа сезона предводник на кумановчани ќе биде Љубисав Луковиќ, кој на оваа функција седнува по трети пат. Димитар Караџовски, Александар Костовски, Вукашин Мандиќ, Урош Луковиќ и Марјан Јаневски се играчите кои играа и минатата сезона во Куманово. Одкако тие го продолжија договорот, тимот беше надополнет со странски кошаркари. Игор Бјелиќ, Ентони Ли Дивајн, Данило Неговановиќ и Урош Петровиќ се играчите на кои ќе може да се смета оваа сезона. Тимот го надополнуваат Кристијан Маневиќ, и младите кошаркари Миодраг Тодоровиќ, Ненад и Филип Стојановски, Ѓорѓи Ѓеоргиевски и Мартин Јовановиќ.

Освен во домашното првенство и Купот, Куманово ќе настапува во ФИБА Евро-Куп каде што е во групата „Ј“ заедно со полскиот Роса Радом, турскиот Анкара и финскиот КТП Баскет.

Во рамките на првото коло, утре тимот на МЗТ Скопје ја пречекува Струмица.