Бронзена плакета Камера 300 за филмот „Кумство, вера и духовна визија“ на Надица Петковиќ

Филмот ја обработува духовната култура на народот во кумановско, поточно се работи за кумство во црква и народните обичаи кои се поврзани со самиот ритуал.

На фестивалот учествувале 94 филмови од целиот свет, а биле наградени само 14. Филмот „Кумство, вера и духовна визија – Во срцето на народот“ на Петковиќ се најде меѓу најдобрите. 

„Тоа ја прави ова награда уште позначајна. Овој успех претставува признание за посветеноста во истражувањето, документирањето и афирмирањето на традицијата, духовното наследство и културните вредности, во работата на авторката“, стои во соопштението. 

На Надица Петковиќ ова и е петта по ред награда за етнолошки филмови на фестивали.