20. 08. 2020 12:59

КК Куманово интензивно се подготвува за почетокот на сезоната

КК Куманово интензивно се подготвува за почетокот на сезоната

Тимот на КК Куманово интензивно се подготвува за почетокот на новата сезона.

„Почетокот на подготовките помина во најдобар ред, а во екипата нема повредени играчи. Првиот тренинг беше одржан со сите присутни кошаркари, освен Хулио Гуити кој пристигна вчера и Џош Селби кој треба денеска да дојде во градот,“ изјави спортскиот директор, Дарко Петковски.

Зависно од покажаните резултати на пријателските натпревари и подготвителните тренинзи, останува тренерот да донесе одлука за тоа кои играчи ќе бидат вклучени во првиот тим.

Од управата на клубот најавија прес конференција за новите засилувања, новата опрема и новите спонзори за сезона 2020/21, а ждребот за натпреварите од првата лига се очекува да биде во првата недела од септември.

(Д.Д.)

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk