Зачленете се во нашиот клуб на читатели и најновите текстови ќе ги добивате на вашата мејл адреса
Шест порази во исто толку одиграни натпревари и убедливо пласман на последното место на табелата е учинокот на кошаркарската репрезентација на Македонија за играчи до 14 години на неодамна завршениот „Словенија опен“ турнир што се одигра во словенечкиот град Градец.
Избраниците на селекторот Саша Димитријевиќ загубија од Словенија сини (65-73), Шпанија (59-82), Хрватска (50-58), Словенија зелени (60-74), Русија (69-72) и Унгарија (58-66).Според информациите од Градец, иако ги загубија сите натпревари, македонските кошаркари одиграле релативно солидно и речиси на секој меч со исклучок на тој против фаворитот Шпанија речиси до самиот крај биле во игра за победа.
Новиот член на шпански Хувентуд, Ненад Димитријевиќ со просек од 16,3 поени бил најдобар стрелец во жолто-црвениот состав, Петар Огњеновиќ со 8,2 скока бил најдобар во играта под обрачите додека Бојан Георгиевски бил прв асистент со 2,3 успешни додавања на секој натпревар.
Останува само прашањето дали настапот на „Словенија опен“ ќе беше подобар ако во составот на селекторот Димитријевиќ се најдеше место за ултраталентираниот Мики Димитриевски, кој минатата сезона имаше неверојатен просек од 46,1 поен и за чии услуги уште од сега се заинтересирани повеќе европски екипи.
Зачленете се во нашиот клуб на читатели и најновите текстови ќе ги добивате на вашата мејл адреса
