Кристијан Златковски најдобар футсал играч во Македонија

 Златковски со својот клуб настапува во Првата македонска футсал лига, кој се наоѓа на средината на табелата, а минатата сезона завршиле како четвртопласирани. Златковски тогаш е прогласен за најдобар стрелец во лигата.

Има многу добри и квалитетни футсал играчи во Македонија. Од друга страна јас имав одлична сезона во која бев најдобар стрелец во домашното првенсто. Веројатно тука некаде е причината поради која ја добив оваа награда - изјави за KumanovoNews, Кристијан Златковски.

Златковски се занимава со фудбал 8 години.  Прво почнал да тренира голем фудбал во неколку клубови, а  подоцна се фокусира на футсалот, каде целосно се пронаоѓа и веќе трета година успешно настапува во ФК Биџо.

Кристијан планира да изгради интернационална кариера, а пред тоа да ја зацврсти неговата позиција како репрезентативец на Македонија.

До сега во рамките на репрезентацијата имам добиено 3 повика и одиграно 6 натпревари. Во март следната година има квалификационен циклус во кој се надевам дека ќе добијам повик, и ќе станам стандарден репрезентативец. Потоа се надевам дека следува и интернационална кариера - додава Златковски.

Тој смета дека футсалот во Македонија не е на нивото кое го заслужува.

Куманово имало, и сега има многу квалитетни футсал играчи. Најдобар футсал играч за 2013 година беше Драган Петровиќ кој е од Куманово, а оваа година наградата ја примив јас. Навистина имаме квалитетни футсал играчи и мислам дека не сме пропратени онака како што заслужуваме. Се надевам дека тоа ќе биде променето во блиска иднина - изјави Златковски.

Како и речиси сите спортови, и првата футсал лига е во зимската пауза, а натпреварите продолжуваат кон крајот на јануари.