“Крсте Мисирков“ со 23 медали на државно првенство во атлетика

На натпреварот учествуваа ученици до 13 годишна возраст при што основците од “Крсте Мисирков“ постигнаа најдобри резултати.

- Имаме 8 златни, 8 сребрени и 7 бронзени медали. Ние сме најтрофејна екипа на првенството на кое се натпреваруваа околу 130 учесници. Имаше силна конкуренција, имаше врвни клубови од Куманово, Тетово, Скопје - вели менторот Југослав Спасиќ.

Во машка конкуренција наградени се : Марко Ѓуровски со златен медал за трка на 60 м и сребрен медал за штафетна трка на 4 по 60 м, Марко Ѓорѓиевски златен медал за фрлање ѓуле, Давид Атанасовски бронзен медал за фрлање ѓуле, Владимир Стошевски сребро за скок во височина и бронза за штафетна трка на 4 по 60 м, Филип Ивановски бронза за скок во височина, Никола Алексовски сребрен медал за скок во височина и и бронза за штафетна трка на 4 по 60 м, Филип Герасимовски освои сребро за штафетна трка на 4 по 60 м, Мартин Нацевски второ место за истата штафетна трка како и Никола Јакимовски. Кристијан Димевски и Павел Јаневски имаат трето место во штафетна трка.

Од женските награди добија : Михаела Ѓорѓиевска злато за фрлање ѓуле, а Инес Пачковска во истата категорија зема второ место. За скок во височина прво место доби Јована Петровска, а второ Милена Стефановска. Ива Додиќ освои трето место за трка на 60 м. Во штафетни трки злато добија четири ученички и тоа: Јована Петровска, Ана Марија Поповска, Ива Додиќ и Ивана Ничевска.